Vergilər nazirinin birinci müavini Naftalanda vətəndaşları qəbul edib
24 Avqust, 14:55   |    Baxış sayı: 77

Vergilər nazirinin birinci müavini Naftalanda vətəndaşları qəbul edib

 
Avqustun 23-də Vergilər nazirinin birinci müavini Sahir Məmmədxanov Naftalan şəhərində yerləşən Vergi ödəyicilərinə xidmət mərkəzində vətəndaşları qəbul edib.

Vergilər Nazirliyinin Media və kommunikasiya mərkəzindən Diasporpress.az-a bildirilib ki, qəbulda Goranboy, Göygöl, Samux, Daşkəsən, Kəlbəcər rayonları, habelə Gəncə və Naftalan şəhərlərindən olan sakinlər iştirak ediblər.

Qəbula gələn vətəndaşlar əsasən vergi qanunvericiliyi və inzibatçılığının tətbiqi, vergilərin hesablanması və ödənilməsi, vergi nəzarəti tədbirlərinin nəticələri, uçot, vergi orqanlarında işlə təminat və digər məsələlərlə bağlı müraciət ediblər.

Vətəndaşların müraciətləri dinlənilib, bəziləri yerindəcə həll olunub, digər məsələlər barədə nazirliyin struktur bölmələrinə müvafiq tapşırıqlar verilib.
 
Diasporpress.az