Santa-Krus sahillərində 6,1 bal gücündə zəlzələ olub
22 Avqust, 11:23   |    Baxış sayı: 90

Santa-Krus sahillərində 6,1 bal gücündə zəlzələ olub

Avqustun 21-də Solomon adaları dövlətinə daxil olan Santa-Krus arxipelaqının Utupua adaları sahillərində 6,1 bal gücündə zəlzələ qeydə alınıb.

Diasporpress.az xəbər verir ki, bu barədə Avstraliya Seysmoloji Xidməti məlumat yayıb.

Bildirilir ki, zəlzələ avqustun 21-də yerli vaxtla saat 1:05-də baş verib. Yeraltı təkanların episentri Utupua adalarının sahil xəttindən 50 kilometr şimal-şərqdə, ocağı 77 kilometr dərinlikdə yerləşib.

Həmin adalarda təqribən 1200 nəfər yaşayır. Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.
 
Diasporpress.az