Braziliyada həbsxanada iğtişaşlar nəticəsində 52 məhbus həlak olub
30 İyul, 10:32   |    Baxış sayı: 48

Braziliyada həbsxanada iğtişaşlar nəticəsində 52 məhbus həlak olub

Braziliyanın Para ştatının həbsxanasında iğtişaşlar baş verib.

Diasporpress.az-ın "Globo" telekanalına istinadən verdiyi məlumata görə, Altamira bələdiyyəsində yerləşən həbsxanada baş verən iğtişaşlar nəticəsində 52 məhbus həlak olub.

Telekanalın məlumatına əsasən, məhbuslardan 16-nın başı kəsilib, digərləri isə məhbuslar tərəfindən törədilən yanğın nəticəsində ölüblər.

Bildirilir ki, həbsxananın 2 işçisi girov götürülüb və daha sonra sərbəst buraxılıblar.

Qeyd edək ki, may ayında Amazonas ştatının paytaxtının həbsxanasında baş verən iğtişaşlar nəticəsində 55 məhbus həlak olmuşdu.
 
Diasporpress.az